三個月內，所有唱好樓市的人都會轉軚

http://www.property.hk/article_content.php?author=PHK_TML

湯文亮博士

紀惠集團行政總裁

2015年8月5日

昨日，大家睇報紙，就會睇到周大福彌敦道舖劈租四成，以及DSC執笠，將會有14個巨舗推出市場，而在中環所見，不少號稱旗艦店的舖位被棄船，冰凍三尺，非一日之寒，我在去年下半年已經察覺到零售業轉壞，當時，希望只是佔中影響，待佔中完畢後一切便會回復正常，但很可惜，佔中後鳩嗚鵲起，政府處處忍手，讓鳩嗚人士得寸進尺，最後做成中港矛盾，國家取消一週多行，更不考慮開放更多國內城市到香港自由行，做成香港經濟轉壞，樓價沒有支持，就算唔跌，都唔會升，但世事就偏偏如此奇怪，細價樓在各方唱好之下急升，我覺得如果在那時候，有人在能力不足之下上車，他日面對樓價下跌，將會很徬徨，於是我寫「細價樓爆煲論」，目的是警告那些未及資格的人士不要上車，更加唔好向財務公司借錢上車，當時，我俾人罵爆，今日，我的「細價樓爆煲論」更加俾人當笑柄，不過，唔緊要，我的目的已達，金管局為此亦收緊細價樓按揭，同時嚴格監管財務公司二按，我相信有不少人為此未能上車。現在，在各方不利消息下，我更加夠膽講，三個月內，所有睇好樓市的評論員都會轉軚，當然，他們會話這是與時並進的預測，但我覺得，這應該叫做報導，不是預測。

現在，大家都知道零售業步入寒冬，經濟亦開始轉壞，零售業從業員收入減少，如果沒有積蓄，供樓將會是沈重的負擔，到九月，美聯儲局議息，就算未加息，都會制定出一個日期幾時加息，連一向話美國佬冇能力加息的人都改口說，就算美國加息，都唔會加得幾多，最多加0.25%，表示他們開始心袪，在未來三個月，不少新樓盤短兵相接，各自提高優惠，一Q清袋就很難再出現，除非有地產商肯大幅減價，我唔相信在這種情況下，有人仍然唱好樓市，三個月後，大家又睇吓我講得有沒有錯。