把握2016的投資機會#1057

http://homebloggerhk.com/46272/

 
Hi 諗sir, 已經上了收息101、買樓001及003，收緊高息、剛實行一拆二，做好作靚料的準備、計劃下一步部署。

現況:
本人月入: 39K x (13 + 2)
先生月入: (28K-33K) x 13
一拆二自住荃灣二房先生名， 欠2.95M
實行了債基方案: 50萬， 年回報約18%
流動資產: 121萬 (75 萬現金 + 40萬基金 + 股票蟹貨6萬)
無任何貸款: 已做好作靚料的準備
我倆借貸力現只用了30%，如買入5M樓房八成上會借貸力消耗達70-75% 。今年計劃買入三房自住再出租現居二房，成為兩房樓主。雖然短期內未有住三房需要，但未敢出租，因風險較出租二房大（如有錯請指正）。再者，本人不希望數年後有小朋友時先至為居住空間而煩惱，因照顧年幼已經夠哂忙。現在手上現金只放銀行ML戶口作圈禁，是為了避免任何不保本投資令資金有所虧蝕。現正卡在“買”與“暫時唔買”的選擇。

買的考慮：
－借貸力會否過份運用？
－5M要到大西北先有似樣三房，同區未見有似樣選擇，或要降低要求。
暫時唔買的考慮：
－等咩？等樓市再調整？要再提升工資？
－要釋放圈禁資金的機會成本，但保本與流動性有抵觸。
－唔係好想再等
望諗Sir指點下，謝謝！小女子上

ANSWER:
由於現時市況有利等待買樓的投資者、可惜讀者借貸力夠而cash唔夠，所以大方針是累多點現金係手再等下一round再上車，唔使三年、下班車應該一年至年半後。由昨至今的兩單新聞、利好香港樓市。一是東亞銀行提供H+1.6%浮息按揭、或首年1.8%的定息按揭。筆者仍與不少朋友於銀行有聯、知道二月返黎批pricing已見手鬆、今日只係東亞將成件事「正名」上台。當然一個月HIBOR+1.6%、同往時的H+1.8%只係低左些少、惟呢件事所示銀行取態是趁年頭跑好大部份「按揭數」、同意銀行間會爭相減息、因按揭市場層後競爭市場、主靠減價吸客。預期批出按揭量上升、利好年中樓市。

另一單新聞是聯儲局預期不加息、而放風今年頂多加兩次息。對比上年耶倫預期全年約加1.275%之預期(呢句只大約冇核實、寫錯請指正)少了一截，亦即2016年只過一季、老美就對加息一事縮了沙、令上年用「加息息魔降臨樓價跌」的報章編輯失了望，所以實體報少人買唔好只賴比手機版淘汰、真正的問題是自己唔爭氣、希望日後唔會攪到人地用「沈大師式的反預測法」去看報章觀點。大師人好又重情義、就當預測唔準、都可縱橫報界十幾年、報章立場是否中立而又有正氣、明眼人心中自有分寸。

2016年預期樓市先低後高、年中見底約120點、筆者早在1月的NOW已提及(見下方VIDEO)、且看預測是否成真。讀者若係兩個月後湧入樓市買三房、見手上資金只75萬(加埋基金有約120萬)、雖一已拆二後可八成上會、惟首期加雜加裝修120萬都嫌少。既修畢收息101後擁收息年18%的武器、不妨再收一下息、兩年已可將100萬變多近50萬、而5年除了用保險、債基而家都可DOUBLE。這歸因早前大市調整、股票跌了30%、而債基都跌了2-3%、造就今時買入價更抵、息口回報提高至15-20%區間、令DOUBLE易容易、或想在未來1-2年將存款增加25-35%之可能性大增、大家宜把握時機。

那麼為什麼等1年多可現買樓良機? 2016年11月美國總統大選完成、同年夏天巴西奧運結束、自2009年延續的股市好走勢唔大跌都要料一料。有人將油價刻意壓低令巴西、俄羅斯利益受損、巴西仲要國債被調低評級、令佢焗平賣油、世界大哥攪左咁多野出黎、無可能唔使找數。另要留意巴西同伊朗貿易生意日增、大哥若找個外交手腕唔好既富商做領頭人、中國中東南美之博奕肯定極之精彩、亂到無倫。加上德國自統一後20多年、再次雄霸歐洲大陸。一旦德國處理好英國脫離歐盟個包袱、期待往後幾年如何在歐洲大展拳腳。不少人認為歐洲增長慢、好休閒、筆者睇法是德國自二戰後被硬性分割成為東西德、避免重蹈一戰後令極端主義客易萌芽的覆轍，既然雄獅沉睡、其他歐陸國家自然懶一點。如今德國已統一25年，比德國由1918年一戰戰敗到1939年再發難之時間更長、底氣十足、時勢亦不容許佢晦光養晦。2017年必定是經濟戰先行、波動性覆及全世界、有資產者不用盡沽、只需減磅。想買樓者若手上無樓或一間樓、在不濫借情況下仍應該買、兩間樓一住一放租實是必需品。讀者由於今年買了就屬濫借、加上CASH少、宜在今年利用平穩市收息。