一本書學做收息王#979

http://homebloggerhk.com/39918/

 

很珍惜能從市場賢達學習產出利息的方法。拜讀了<一本書學做收息王>(譯名)，主要是利用作者介紹的Quadrix 選股系統，按幾個數據去分析買咩股票收息好?

1. 動力(MOMENTUM)

2. 質素 (ROI, RETURN ON ASSET)

3. 價值 (P/E, P/B)

4. 債務水平

5. 盈利預測

6. 表現(相對股價表現)

香港人買股前有留意呢6件事的，相信已是街坊股神，好鬼難得。更何況「表現」一事，極難評述。或者真係好似書本末段講，使用其收費系統去篩選股票好過自己諗。打開年報去查看股票債務水平，實要花上不少時間。另Quadrix 選股系統只適用在美股，香港人買一般要比稅。

那將著眼點轉回香港，近日最廣為人知就係渣打銀行(2888)7供2之事。按派息記錄，買渣打收息的派息率為4.65%p.a.，過去一年派息為每股$5.55，不少人大手買入作收息。點知股價由3個月前$120下滑至呢幾日跌破$80。一季股價唔見1/3，而收息只4.65%，假如你因為想收息而決定買呢隻股，咁做係咪太傻呢?

當然，你心想買渣打、可能有機會賺價。惟筆者建議，若想透過買股賺價，理應選取盈利能力最高的、或個story夠”sexy”的，更要留意公司盈利能力高不時要邊過減派息及增投資去支撐。而買渣打或其他大籃籌想「又穩陣、又有息收的」，基本上是投資人自己一廂情願。

咁收息買咩好? 冇錯，係債券、或房地產。只不過香港樓市暫不看俏，將樓市所賺泊係債市、或將閒錢投於債基方案實為上算。買債券只會early call本利歸還、而唔會好似渣打供股咁問你「伸手攞錢」。買股票係打本比公司去一齊做生意、買債券係令自己成為債主、地位及權益好有分別。真既收息王，要明白不同投資工具所帶黎既效果，按自己所好而應用。

看上表見不少人之愛股渣打，由2010年至2015只一年跑贏恆指。用作計波幅的標準差為63.64%，同工商銀行(1398)的29.75%高一倍有餘。但點都好，就當買工商銀行收息，當收足6%息都唔夠買成年chok足20-30%的驚風散。不少人問及債基方案為何能提供10-15%一年的高息，在於方案有低融資成份，加上選擇投資品得宜可享同買樓一樣咁高既槓桿，即好似用幾成首期買左間收7%租既樓，咁去收息想唔肥就難。而投資物波幅比渣打一定低、比工商銀行都係低。更唔使供股。

買股票其實仲複雜過買樓、樓房是有形的、股票是無形的。樓房你每日住緊的、股票你可能未曾攞過一張上手，最弊係佢既買賣守則、自己唔知之餘更被操縱在大股東手上，租客唔聽話你起碼都知點one on one解決佢。